Bázahusvearu oaččut go leat máksán menddo unnán vearu ovdal livnnega. Dat ferte máksot vaikke vel guoddalat livnnega. Jos bázahusvearru lea badjel kr. 1000,-, de biddjo máksináigemearri guovtti badjái. Máksin dáhpáhuvvá vearrogáibideaddji vearromáksinkontui. Don sáhtát maiddái ieš boahtit máksit vearu vearrogáibideaddji kantuvrras. Jos it mávsse, de čuvvot maŋŋonanreanttut máksináigemeari rájes gitta dassážii go mávssát. Jos gáibádus i mákso eaktodáhtus, de vearrogáibideaddji bidjá johtui bággobearrama ja golut sáhttet čuovvut, riektemáksolága vuođul.

Jos it leat ovttaoaivilis livnnegiin, de sáddet guoddaleami vearrokantuvrii. Áigemearri guoddalit livnnega lea dábálaččat golbma vahku maŋŋá go vearrolistu lea almmuhuvvon. Go leat lágidan ovdadevdon vearrodieđáhusa ja leat ožžon vuosttaš vearrorehketdoalu, de lea guoddalanáigemearri borgemánu 10.b., dahje ovdal go guhtta vahku leat vássán das rájes go vearrorehketdoallu almmuhuvvui gárvvisin.

Sii geat vearrorehketdoalus leat ožžon bázahusvearu

Ođđajagemánu 1.b. 2008 rájes lea Vearroetáhta organiserejuvvon vearrokantuvran viđa guovllus. Livnnetkantuvra, vearrofáldekantuvra ja fylkkavearrokantuvra čohkkejuvvojit oktan organisašuvdnan guovlusaččat: vearrokantuvran.

Vearrokantuvra mearrida vearromáksin vuđđosa, ja vearrogáibideaddji gielddas (ruvnnasundi/gielddarehketdoalli) giehtadallá sisamáksimii ja bidjá johtui bearrama.

Eambbo dieđuid gávnnat vearroetáhta ruovttusiiddus. Vállje álggos Snarveier ja dasto Restskatt.